ප්‍රාදේශීය ලේකම් කාර්යාලය - කෝ‍රළේපත්තුව

கோறளைப்பற்று வாழைச்சேனை- இரத்ததான நிகழ்வு-2024

கோறளைப்பற்று வாழைச்சேனை- 2024 ஆம் ஆண்டுக்கான முதல் நாள் கடமை நிகழ்வு

கோறளைப்பற்று வாழைச்சேனை 2024 ஆம் ஆண்டுக்கான முதல் நாள் கடமை நிகழ்வானது பிரதேச செயலகத்தில் இன்று (01.01.2024)   காலை 8.30  மணியளவில் பிரதேச செயலாளர் திருமதி.ஜெயானந்தி திருச்செல்வம் அவர்களின் தலைமையில் நடைபெற்றது. இந்நிகழ்வில் உதவிப்பிரதேச செயலாளர் திருமதி. அமலினி கார்த்தீபன், உதவி திட்டமிடல் பணிப்பாளர் திரு.ஆர்.கங்காதரன், கணக்காளர் திரு.ஜே.ஜோர்ச், நிருவாக உத்தியோகத்தர் திருமதி.ஜெயக்குமார் புனிதநாயகி, மேலதிக மாவட்ட பதிவாளர் திருமதி.புனிவதி ஆனந்தன், சமுர்த்தி தலைமையக முகாமையாளர் திருமதி.கே.தேவமனோகரி மற்றும் அலுவலக உள்ளக,வெளிக்கள உத்தியோகத்தர்கள் ஆகியோர் கலந்து சிறப்பித்தனர்.

2024 ஆம் ஆண்டின் முதல் நாளினை  வரவேற்கும் முகமாக பால் பொங்கும் நிகழ்வுடன் ஆரம்பிக்கப்பட்டது. மேலும்  பிரதேச செயலாளர் திருமதி.ஜெயானந்தி திருச்செல்வம் அவர்களினால்  தேசிய கொடி ஏற்றப்பட்டு தேசிய கீதம் இசைக்கப்பட்டது. மேலும், நாட்டுக்காக உயிர்த்தியாகம் செய்தவர்களுக்கான இரண்டு நிமிட  மௌன அஞ்சலி நிகழ்த்தப்பட்டது.இவ் ஆண்டிற்கான உறுதிமொழியும் எடுக்கப்பட்டது.அதனைதொடர்ந்து பிரதேச செயலாளர் திருமதி.ஜெயானந்தி திருச்செல்வம் அவர்கள்  ‘’வலுவான எதிர்காலத்திற்கான தொடக்கவுரை’’ எனும் இவ்வருடத்தின் கருப்பொருளுக்கும், தற்போதைய சர்வதேச போக்குக்கும் அமைவாக புதிய பொருளாதாரச் செயன்முறையொன்றுக்கான அடிப்படையொன்றை தனது உரையின் மூலம் வெளிப்படுத்தினர்.மேலும் 2024 ஆம் ஆண்டுக்கான வரவுசெலவுத் திட்டம் சமர்பிக்கப்பட்டு முன்வைக்கப்படுகின்ற விடயங்களின் வாயிலாக மக்களுக்கான சேவையினை எவ்வாறு இலகுவானதாகவும், நேர்த்தியானதாகவும் வழங்கலாம் எனப் பலதரப்பட்ட விடயங்களை வெளிப்படுத்தினார்.  அலுவலக உத்தியோகத்தர்களின் சேவையினை ஊக்குவிக்கும் முகமாக 2023 ஆண்டில் பலதரப்பட்டவிடயங்களை கருத்திற்கொண்டு  சிறந்த உத்தியோகத்தர்களுக்கான சான்றிதழ்களும் வழங்கப்பட்டது. அதனைத்தொடர்ந்து, பிரதேச செயலகத்தின் சிறுவர், பெண்கள் பிரிவினால் மாணவர்களின் கல்வி மேம்பாட்டுக்கு உதவும் முகமாக பாடசாலை உபகரணங்கள் வழங்கப்பட்டமையும் குறிப்பிடத்தக்கதாகும்.மேலும் அலுவலக உத்தியோகத்தர்களுக்கு பழமரக்கன்றுகள் வழங்கப்பட்டமையும் குறிப்பிடத்தக்கதாகும். இறுதியாக, பிரதேச செயலக நலன்புரி சங்கத்தின் ஏற்பாட்டினால் பாற்சோறு வழங்கப்பட்டமையும் குறிப்பிடத்தக்கவிடயமாகும்.       

கொட்டும் மழைக்கு மத்தியிலும் கோலாகலமாக நடைபெற்ற கோறளைப்பற்று பிரதேச செயலக தைப்பொங்கல் விழா -2024

கோறளைப்பற்று, வாழைச்சேனை பிரதேச செயலகத்தின் ஏற்பாட்டில் கல்குடா கிராம உத்தியோகத்தர் பிரிவிலுள்ள ஆலயங்கள், கிராமமட்ட சமூக அமைப்புக்கள் இணைந்து நடாத்திய தைப்பொங்கல் விழாவானது 19.01.2024 ம் திகதி வெள்ளிக்கிழமை காலை 9.00 மணிக்கு உலகப்புகழ்பெற்ற உல்லாசபுரிகளில் ஒன்றான பாசிக்குடா கடற்கரை விளையாட்டு முற்றத்தில் கோறளைப்பற்று பிரதேச செயலாளர் திருமதி.ஜெயானந்தி திருச்செல்வம் அவர்களின் தலைமையில் இடம்பெற்றது. இந்நிகழ்வில் முதல் நிகழ்வாக கல்குடா மகா விஷ்ணு ஆலயத்திலிருந்து கலாசார பண்பாட்டு பவனியுடன் ஆரம்பமாகி நிகழ்வு நடைபெறும் இடத்தை சென்றடைந்ததும் பிரதான பொங்கல் பானையில் புத்தரிசியிட்டு பிரதேச செயலக பிரிவில் உள்ள 12 கிராம உத்தியோகத்தர் பிரிவு மக்களால் விதம்விதமான சுவையுடைய பொங்கல் பானைகள் வைத்து சூரிய பகவானுக்கு பொங்கலிட்டு வழிபாடு செய்யப்பட்டது.

இதனை தொடர்ந்து கோறளைப்பற்று பிரதேச அறநெறிப்பாடசாலைகள், கலைமன்றங்களை சேர்ந்த மாணவர்களின் கலாசார பண்பாட்டு நிகழ்வுகள் சிறப்பாக நடைபெற்றது. இதனயடுத்து கல்குடா வலம்புரி மற்றும் வேளாங்கள்னி விளையாட்டு கழகங்களின் ஏற்பாட்டில் கலாசார பாரம்பரிய விளையாட்டுக்களான கரும்பு உடைத்தல், போர்த்தேங்காய் உடைத்தல் முதலான விளையாட்டு நிகழ்வுகள் சிறப்பாக நடைபெற்று வெற்றியீட்டிய வீரர்களுக்கான பரிசில்களும், கலைநிகழ்வுகளில் பங்குபற்றிய மாணவர்களை கௌரவிக்கும் வகையில் சான்றிதழ்களும், பரிசுப்பொதிகளும் வழங்கிவக்கப்பட்டது.

இந்நிகழ்வில் சிறப்பு அதிதிகளாக கோறளைப்பற்று பிரதேச செயலக உதவி பிரதேச செயலாளர் திருமதி. அமலினி கார்த்தீபன், கணக்காளர் திரு.ஜே.ஜோர்ச் ஆனந்தராஜ், உதவி திட்டமிடல் பணிப்பாளர் திரு.ஆர்.கங்காதரன், நிர்வாக உத்தியோகத்தர் திருமதி.புனிதநாயகி ஜெயக்குமார் ஆகியோர் கலந்து கொண்டனர். மேலும் பிரதேச செயலக கலாசார உத்தியோகத்தர்கள் மற்றும் அலுவலக உத்தியோகத்தர்கள், வெளிக்கள உத்தியோகத்தர்கள், கிராம உத்தியோகத்தர்கள் கல்குடா கிராம உத்தியோகத்தர் பிரிவுகளை சேர்ந்த இந்து ஆலயங்களின் நிர்வாகிகள், கிராம அபிவிருத்தி சங்கங்கள், மாதர் கிராம அபிவிருத்தி சங்கங்கள், மீனவர் சங்கங்கள், மரண ஆதார சங்கங்கள், பழைய மாணவர் சங்கங்கள், விளையாட்டு கழகத்தினர், ஏனைய கிராம உத்தியோகத்தர் பிரிவுகளை சேர்ந்த பொதுமக்கள், வெளிநாட்டு சுற்றுலா உல்லாச பயணிகள் என பலரும் கலந்து கொண்டு நிகழ்வை சிறப்பித்தனர்.

கோறளைப்பற்று வாழைச்சேனை- ஒளி விழா 2023

கோறளைப்பற்று வாழைச்சேனை பிரதேச செயலகத்தின் ஒளி விழாவானது 20.12.2023 ஆம் திகதி காலை 9.30  மணியளவில் பிரதேச செயலாளர் திருமதி.ஜெயானந்தி திருச்செல்வம் அவர்களின் தலைமையில் வெகுவிமர்சையாக இடம்பெற்ற இந்நிகழ்வில் பிரதம விருந்தினர்களாக அருட்பணி.டெரன்ஸ் றாகல் அடிகளார், அருட்பணி.ஜி. லக்க்ஷ்மனகாந்த் அடிகளார் ஆகியோர் கலந்துகொண்டனர். அதிதிகளை வரவேற்றல் நிகழ்வுடன் ஆரம்பமாகிய இந்நிகழ்வில் உதவிப்பிரதேச செயலாளர் திருமதி. அமலினி கார்த்தீபன், உதவி திட்டமிடல் பணிப்பாளர் திரு.ஆர்.கங்காதரன், கணக்காளர் திரு.ஜி.ஜோர்ச், நிருவாக உத்தியோகத்தர் திருமதி.ஜெயக்குமார் புனிதநாயகி, அலுவலக உத்தியோகத்தர்கள் மற்றும் பாடசாலை மாணவர்கள் ஆகியோர் கலந்து சிறப்பித்தனர்.

இயேசு பாலன் பிறந்த தினத்தை நினைவூட்டும் வகையில் பாடசாலை மாணவர்களினால் பல நிகழ்ச்சிகள் இடம்பெற்றமையும் குறிப்பிடத்தக்கதாகும். பிரதேச செயலக உத்தியோகத்தர்களினால் கரோல் கீதங்கள் இசைக்கப்பட்டதுடன் பிரதேச செயலக உத்தியோகத்தர்களின் பிள்ளைகள் பல நடனங்கள் மூலம் தங்களது திறமைகளை வெளிக்கொணர்ந்தனர். இறுதியில் பாடசாலை மாணவர்களுக்கான பரிசில்களும் வழங்கப்பட்டது.