Divisional Secretariat - Koralaipattu

 

கோறளைப்பற்று வாழைச்சேனை பிரதேச செயலகத்தில் இடம்பெற்ற பிரதேச அபிவிருத்தி ஒருங்கிணைப்புக் குழுக்கூட்டம் (05.06.2026) அன்று பி.ப 2.30 மணிக்கு பிரதேச செயலக மாநாட்டு மண்டபத்தில் பிரதேச செயலாளர் திருமதி ஜெயானந்தி திருச்செல்வம், தலைமையில் நடைபெற்றது.

இக்கூட்டத்தில் பிரதேச ஒருங்கிணைப்புக் குழுத் தலைவரும் பாராளுமன்ற உறுப்பினருமான கௌரவ கந்தசாமி பிரபு, பாராளுமன்ற உறுப்பினர் கௌரவ Dr.இளையதம்பி சிறிநாத், பாராளுமன்ற உறுப்பினர் ஞானமுத்து ஸ்ரீநேசன், பாராளுமன்ற உறுப்பினர் இராசமாணிக்கம் சாணக்கியன், பிரதேச சபை தவிசாளர் சுந்தரலிங்கம் சுதாகரன், பிரதிதத்திட்டமிடல் பணிப்பாளர் திரு ராஜரெட்ணம் கங்காதரன், திணைக்களத் தலைவர்கள், சமூக மட்ட அமைப்புகளின் பிரதிநிதிகள்,அலுவலக உத்தியோகத்தர்கள்மற்றும் பொதுமக்கள் எனப்பலர் கலந்து கொண்டனர்.

 

மௌன இறை வணக்கத்துடன் ஆரம்பமான இந்நிகழ்வில் வரவேற்புரையானது பிரதேச செயலாளர் திருமதி ஜெயானந்தி திருச்செல்வம் அவர்களால் நிகழ்த்தப்பட்டது. தலைமையுரையானது ஒருங்கிணைப்புக் குழுத் தலைவரும் பாராளுமன்ற உறுப்பினருமான கௌரவ கந்தசாமி பிரபு அவர்களால் நிகழ்த்தப்பட்டது. அதனைத்தொடர்ந்து சென்ற அபிவிருத்தி ஒருங்கிணைப்புக் குழுக்கூட்டத்தின் கூட்டறிக்கையானது அங்கிகரிக்கப்பட்டு, ஒவ்வொரு திணைக்களங்களிலும் தற்போது கலந்துரையாடப்பபடவேண்டிய விடயங்கள் சம்மந்தமான கலந்துரையாடப்பட்டன. எதிர்கால அபிவிருத்தித்திட்டங்கள் தொடர்பான முன்னேற்பாடுகளும் பரிந்துரைக்கப்பட்டன. மேலும் பிரதேச மட்டத்திலான திணைக்களங்களின் தற்போதைய பிரச்சினைகளும் இனங்காணப்பட்டு அதற்கான தீர்வுகள் மற்றும் ஆலோசனைகள் முன்மொழியப்பட்டன. இக்கூட்டமானது மாலை 5.15 மணிக்கு இனிதே நிறைவடைந்தது.