பிரதேச செயலகம் - கோரளைப்பற்று

“வளமான நாடு அழகான வாழ்க்கை” எனும் தொனிப்பொருளுடன்
2026 ஆம் ஆண்டின் முதல் நாள் கடமைகளைப்பெறுப்பேற்றல் நிகழ்வு.

எமது பிரதேச செயலகத்தில் 2026 ஆம் ஆண்டின் முதல் நாள் (01.01.2026) கடமைகளைப்பெறுப்பேற்றல் நிகழ்வானது எமது பிரதேச செயலாளர் திருமதி ஜெயானந்தி திருச்செல்வம் தலைமையில் இடம்பெற்றது. பால் பொங்குதலுடன் ஆரம்பிக்கப்பட்ட இந்நிகழ்வில் தேசியக்கொடியானது எமது பிரதேச செயலாளரினால் ஏற்றிவைக்கப்பட்டு அதனைத்தொடர்ந்து தேசிய கீதம் இசைக்கப்பட்டது. அதனைத்தொடர்ந்து முப்படைகள் மற்றும் நாட்டிக்காக உயிர்நீத்தவர்களுக்காக இரண்டு நிமிட மௌன அஞ்சலி செலுத்தப்பட்டது. சகல உத்தியோகத்தரினாலும் சத்தியப்பிரமாணம் சத்தமாக வாசிக்கப்பட்டது. பிரதேச செயலாளரினால் தற்போதைய சவால்கள் மற்றும் எதிர்கால இலக்குகள் அதில் உத்தியோகத்தர்களின் பங்களிப்பு மற்றும் அவர்களை ஊக்கப்படுத்தல் பற்றி சிறப்புரை நிகழ்த்தப்பட்டது. அதனைத்தொடர்ந்து சென்றவருடம் கோறளைப்பற்று பிரதேசசபையினால் கோறளைப்பற்று பிரதேச சபைக்குட்பட்ட பிரதேச செயலகங்களுக்கிடையில் நடத்தப்பட்ட கிரிக்கெட் போட்டியில் மூன்றாம் இடத்தினை பெற்றுக்கொண்ட எமது பிரதேச செயலக கிரிகெட் அணியினர் பிரதேச செயலாளரினால் கெளரவிக்கப்பட்டு அவர்களுக்கான கிண்ணமும் வழங்கப்பட்டமை குறிப்பிடத்தக்கது.

** பிரதேச ஒருங்கிணைப்பு குழுக்கூட்டம் **

கோறளைப்பற்று, வாழைச்சேனை பிரதேச ஒருங்கிணைப்பு குழுக்கூட்டமானது 30.10.2025 இன்று மு.ப 10.00 மணிக்கு பிரதேச செயலக மாநாட்டு மண்டபத்தில் பிரதேச ஒருங்கிணைப்பு குழுத்தலைவரும் கௌரவ பாரளுமன்ற உறுப்பினருமான கந்தசாமி பிரபு தலைமையில் ஆரம்பமானது. இதில் மட்டக்களப்பு மாவட்ட கௌரவ பாரளுமன்ற உறுப்பினரகளான இராசமாணிக்கம் சாணக்கியன், டாக்டர் இளையதம்பி ஸ்ரீநாத், பிரதேச செயலாளர் திருமதி ஜெயானந்தி திருச்செல்வம், உதவி பிரதேச செயலாளர் திருமதி டிலக்சினி சசிதரன், பிரதித்திட்டமிடல் பணிப்பாளர் இராஜேந்திரன் கங்காதரன், பிரதேச சபை தவிசாளர், திணைக்களப்பிரதிநிதிகள், அரச சார்பற்ற நிறுவனங்களின் பிரதிநிதிகள், பிரதேச செயலக உத்தியோகத்தர்கள், ஊடகவியலாளர்கள் என பலரும் கலந்து கொண்டனர். பிரதேச செயலாளரின் ஆரம்ப உரையுடன் ஆரம்பிக்கப்பட்ட இந்நிகழ்வில் முன்னைய பிரதேச ஒருங்கிணைப்பு குழுக்கூட்டத்தின் கூட்டறிக்கையானது முன்மொழிந்து வழிமொழியப்பட்டது. அதனைத்தொடர்ந்து பிரதித்திட்டமிடல் பணிப்பாளரினால் இவ்வருடத்தில் திட்டங்களுக்காக ஒதுக்கப்பட்ட நிதி மற்றும் செலவினம் அதன் பௌதீக மற்றும் நிதி ரீதியான அளவுகளின் சதவீதம் என்பவை எடுத்துக்கூறப்பட்டது. அதனைத்தொடர்ந்து ஒவ்வொரு திணைக்களங்களின் பிரதிநிதிகளினால்; அவர்களது திணைக்களங்களில் காணப்படுகின்ற பிரச்சனைகள் மற்றும் எதிர்காலத்தில் செயற்படுத்தப்படும் திட்டங்களுக்கான கோரிக்கைகள் என்பன முன்வைக்கப்பட்டு அதற்கான தீர்வுகள் மற்றும் ஆலோசனைகள் பிரதேச ஒருங்கிணைப்பு குழுத்தலைவரினாலும் ஏனைய உறுப்பினர்களாலும் முன்மொழியப்பட்டன. இக்கூட்டமானது பி.ப 12.45 மணியளவில் இனிதே நிறைவடைந்தது.

*நவராத்திரி விழா- 2025*

எமது பிரதேச செயலகத்தில் நவராத்திரி விழா நிகழ்வானது இன்று (02.10.2025) வியாழக்கிழமை மு.ப 10.00 மணிக்கு ஆரம்பமானது. உதவிப்பிரதேச செயலாளர் திருமதி டிலக்சினி சசிதரன் தலைமையில் இடம் பெற்ற இந்நிகழ்வில் பிரதேச செயலக கணக்காளர், நிருவாக உத்தியோகத்தர் ஏனைய உத்தியோகத்தர்கள், ஈசான சிவாச்சாரியார் சிவஸ்ரீ சின்னையா கிருபாகரன், அறநெறி பாடசாலை ஆசிரியர்கள், மாணவர்கள், பெற்றோர்கள் என்போர் கலந்து கொண்டனர். நந்திக்கொடி கீதத்துடன் ஆரம்பிக்கப்பட்ட இந்நிகழ்வில் அடுத்ததாக மங்கள விளக்கேற்றல் நிகழ்வு இடம்பெற்றது. அதனை அடுத்து ஈசான சிவாச்சாரியார் சிவஸ்ரீ சின்னையா கிருபாகரன் குருக்களால் ஆசியுரை இடம்பெற்றது அதனைத்தொடர்ந்து அறநெறி பாடசாலை மாணவிகளினால் வரவேற்பு நடனம் இடம்பெற்றது. உதவிப்பிரதேச செயலாளர் அவர்களினால் தலைமையுரை இடம்பெற்றது. அதனைத்தொடர்ந்து அறநெறி பாடசாலை மாணவர்களினால் பேச்சு, பஜனை, வில்லுப்பாட்டு என்பன இடம்பெற்று இறுதியாக நிகழ்வுகளில் பங்குபற்றிய மாணவ மாணவிகளுக்கு பரிசில்களும் வழங்கி வைக்கப்பட்டது. இந் நிகழ்வானது பூஜை வழிபாடுகளுடன் பி.ப 1.30 மணியளவில் இனிதே நிறைவடைந்தது.

*பாசிக்குடாவில் கோலாகலமாக இடம்பெற்ற (Wings of East)கலாச்சார மற்றும் உற்பத்திக் கண்காட்சி நிகழ்வுகள்*

கிழக்கு மாகாண பண்பாட்டு அலுவல்கள் திணைக்களமும் கோறளைப்பற்று வாழைச்சேனை பிரதேச செயலகமும் இணைந்து நடாத்திய பன்மைத்துவ கலாச்சார மற்றும் உற்பத்திக் கண்காட்சி பாசிக்குடா சுற்றுலாக் கடற்கரைப் பிரதேசத்தில் 17.10.2025 ஆம் திகதி மாலை 5.00 மணியளவில் மங்கள விளக்கேற்றல் மற்றும் கலை கலாச்சார நிகழ்வுகளுடன் ஆரம்பமான இந்நிகழ்வானது தொடர்ந்து 18 மற்றும் 19 ஆம் திகதிகளிலும் இடம்பெற்றது.
இதில் பிரதம அதிதியாக கலந்து கொண்ட கிழக்கு மாகாண ஆளுனர் பேராசிரியர் ஜெயந்தலால் ரத்னசேகரவினால் அங்குரார்ப்பணம் செய்து வைக்கப்பட்ட இந்நிகழ்வில், மட்டக்களப்பு கௌரவ பாராளுமன்ற உறுப்பினர் க.பிரபு, கிழக்குமாகாண கலாசார பண்பாட்டு அலுவல்கள் திணைக்களத்தின் பணிப்பாளர் மேனகா புவிக்குமார் மற்றும் கோறளைப்பற்று பிரதேச செயலாளர் ஜெயானந்தி திருச்செல்வம், கோறளைப்பற்று பிரதேசசபை தவிசாளர் சு. சுதாகரன் மற்றும் பிரதேச செயலக பதவிநிலை உத்தியோகத்தர்கள், ஏனைய துறைசார் உத்தியோகத்தர்கள், பொதுமக்கள் என பலர் பங்குபற்றினர்.
சுற்றுலாத்துறையை ஊக்குவிக்கும் பொருட்டு 18 மற்றும் 19 ஆகிய 2 தினங்களிலும் காலை மு.ப 08.30 மணி முதல் பி.ப 08.30 மணி வரை பல்வேறு உள்ளூர் உற்பத்தியாளர்களின் உற்பத்திப் பொருட்கள் விற்பனைக்காக வைக்கப்பட்டுள்ளது. மாலை வேளைகளில் பல்வேறு கலை கலாச்சார நிகழ்வுகளும் கலாச்சாரத் திணைக்களத்தினால் ஒழுங்குபடுத்தப்பட்டது என்பது குறிப்பிடத்தக்கது.

மூன்றாம் காலாண்டு கணக்காய்வு குழுக்கூட்டம் - 2025

மூன்றாம் காலாண்டுக்கான கணக்காய்வு குழுக்கூட்டமானது 26.08.2025 அன்று பிரதேச செயலக கேட்போர் கூடத்தில் காலை 10.00 மணி அளவில் உதவி பிரதேச செயலாளர் தலைமையில் ஆரம்பமானது. இதில் உதவி பிரதேச செயலாளர் திருமதி டிலக்சினி சசிதரன், கணக்காளர் திருமதி தயானி சசிகுமார் நிர்வாக உத்தியோகத்தர் திருமதி புனிதநாயகி ஜெயக்குமார், பிரதம உள்ளக கணக்காய்வாளர் திரு A.S சசிகரன் மற்றும் பிரதேச செயலக உத்தியோகத்தர்களும் கலந்துகொண்டனர். முன்னைய கணக்காய்வு குழுக்கூட்டம் தொடர்பான ஆமோதித்தலுடன் ஆரம்பமான இந்நிகழ்வில் ஒவ்வொரு கிளை சார்ந்த செயற்பாடுகளின் முன்னேற்றங்களும் நடைமுறைப்படுத்தப்பட வேண்டிய விடயங்களும் கலந்துரையாடப்பட்டது. இதன் போது பிரதம உள்ளக கணக்காய்வாளர் திரு A.S சசிகரன் அவர்களால் பல காத்திரமான ஆலோசனைகளும் வழங்கப்பட்டன. இக்கூட்டமானது நண்பகல் 12.15 மணியளவில் இனிதே நிறைவடைந்தது.